أميرة على عرش قلبي
الثاني والعشرون
-أنا اللي لقتها هنا دي شقية وبتحب اللعب شوفيي؛ يا أميرة..
-أيوة يا حبيبتي صحيح جميلة حتى أنها تشبهك كتير شوفي لون شعرها البرتقالي زي لون شعرك يا إلهام.
ليهتف يوسف:
-وانا كمان حبيتها خليني أشيلها يا ألهام.
ترجل عبد العزيز للأسفل وإذا به يهتف:
– أنتم فين يا ولاد انتو بتصحوني عشان افطر لوحدي ولا إيه.
حضرو اليه وبيد يوسف تلك الهرة ليهتف الصغير:
-بص يا بابا أحنا لقينا دي ارجوك يا بابا سيبنا نربيها هنا.
ليجلس ابيه على مقعده هاتفاً:
-وليه لا لكن لازم ناخدها لدكتور البيطري الأول عشان نتاكد من سلامتها.
ليهتف الصغار سوياً:
-هيييه بنحبك يا بابا.
جلست اميرة على مقعدها في مقابلة ابيها وجوارتها إلهام من جهة، ويوسف من الجهة الاخري،
بدؤو جميعاً الشروع في تناول إطعامهم إلا هي، ثم حضرت احلام وجلست على مقعدها هي الاخري وقالت بضجر.
-يلا السخرية اميرة هانم الجندي قاعدة معانا على سفرة واحدة مستنية طبق الفطار المخصص لها،
بزمتك مش مكسوفة من حالك قاعدة بكل راحة وامي واقفة تحضر ليكي الفطار.
لتهتف والدتها وهي تحمل طبقاً معد لاميرة؛ حين استمعت إلي ابنتها مزمجرة:
-أخرسي يا بنت ودي فيها إيه يعني اميرة زيها زيكم ثم التفتت إلى أميرة وهتفت لها:
-خدي يا حبيبتي الطبق دا عملته ليكِ مخصوص؛ عشان طلعتي أمبارح بسرعة ومش قولنا لكِ حمدلله على سلامتك.
نظرت إليها بريبة؛ ثم نظرت الي ابيها وجدته سعيداً جداً بما فعلته زوجته؛ فأردفت شاكرة:
-شكراً لكِ يا مرات ابويا.
كادت ان تبدء هي الاخري في تناول الطعام؛ لكنها وجدت الهرة قد قذفت على قدمها والتهمت قطع اللحم البارد سريعاً؛ لتنتفض زبيدة وتحاول ابعادها هاتفة.
-من اللي دخل القطة دي هنا ابعدوها ابعدوها.
لكن قضى الأمر وارتمت الهرة ارضاً وكأنها طفلاً صغيراً يصرخ من الألم، ارتعب الصغار
وانضمو بين يدي أميرة وهم يهمسون:
-إيه اللي حصل لها دي بتتألم.
نهضو جميعاً من علي الطاولة وانحني الاب عليها ليراها قد لفظت أنفاسها ليهتف بحزن:
-القطة ماتت.
بكو الصغار في احضانها ونظر هو إلي زوجته أمراً لها:
-هاتي حاجة أشيلها فيها عشان أخرجها من هنا.
مش قولتلكم اننا لازم نتأكد من سلامة صحتها الظاهر أنها كانت مريضة.
ثم هتف لاميرة.
-يلا خديهم واطلعي على فوق.
اطاعت امر ابيها بالفعل واتجهت بهم صاعدة للأعلي وإذا بها ترى قبل صعودها زوجة ابيها وهي تحمل طبقها بارتباك وتدلف به الي غرفة الطهي سريعاً.
