أميرة على عرش قلبي
الاخير
أحنت رأسها بحزن وهمست لها بصوتٍ خفيض.
-أيوا يا ماما عارفة كل دا وعارفة كمان انك بتحبيني لكن مش كنت فاهمة انا عملت اي عشان تزعلي مني خلاكي تسيبي السرايا بسبي وتقعدي بعيد عننا كل المدة دي.
هزة يديها سريعاً لتؤكد منال حديثها بالنفي وربتت على يدها بحنان:
-لا يا حبيبتي بُعدي عني السرايا مش كان بسببك أنتِ مش لكِ دعوة بالموضوع من الأساس،
لمل غادرت السرايا أنتم كنتم صغيرين، ومش تفهموا معنى أن يحصل مشاكل بين الزوجين مشاكل، واللي حصل بيني وبين خالك وقتها خلا الحياة بيننا مستحيلة وبالأخص أنك عارفة اد إيه هو عنيد،
لغاية ما جيه الوقت وأتراضت النفوس بعد موت جدتك نعمات، بصراحة هي اللي أتسببت في الخصام وأهي رحلت ربنا يرحمها على اللي عملته فينا بقى.
أبتسمت أميرة لها و هتفت بسخرية:
-ألظاهر أن جدتي نعمات مشيت أخدت معاها كل المشاكل.
كانت تظن أن حديثها سيضحك زوجة خالها ويخرجها من شرودها الحزين هذا، إلا أن الأخرى تنهدت بصبر قائلة.
-لاء وانتِ الصادقة مشيت وسابتلي أنا المشاكل يا بنتي أصلها سابت في حجري كل حملها وبعدها أمنتني بأني ماقولش لحد عليه، وأهي ماتت و سابتني في حيريتي.
وهنا ضمت لها حاجبيها بعدم فهم:
-أنتِ تقصدي إيه يا أمي.
بدئت منال تربت على شعرها وتحاول أن تطمئنها قائلة:
-مأقصدش شئ معين يا حبيبتي، عايزكي بس تعرفي أن كل اللي هعمله في الأيام الجاية
هيكون بس لحمايتك عشان أحافظ على الوعد.
هتفت اميرة بعدم فهم وهي تشيح لها بيديها.
-أي وعد أنا مش فاهمة حاجة.
لتفيق منال مما تهمس به وإذا بها تراوغها في الحديث لتشتت عقلها.
-ها ولا حاجة يا حبيبتي، أنا أقصد الوعد الذي أخدته على نفسي بأني أحافظ عليكي من ساعة ولادتك ليوم فرحك إن شاء الله…
عند ذكر تلك الكلمة قررت أميرة أن تلقي بكلمة لترى رد فعلها:
-لكن أنا مش عايزة أتجوز يا أمي!
زجتها منال بيدها و أرتسمت علامة إستفهام كبيرة على وجهها لتهتف مزمجرة:
-مش عايزة إيه! ازاي دا بربك يا حبيبتي أي بنت مصيرها للزواج وأنتِ مش أي بنت
أنتِ أميرة بنت أخت بدر الشافعي وبنت الأكابر تتدلل ويلفوا وراها الخطاب لحد ما يجي الراجل بجد اللي يفوز برضاها وتقبل منه الجواز.
-بس أنا عايزة لما أكبر أتجوز شاب يكون زي براء اخويا كده!
ومش هلاقي زيه اكيد لأنه مفيش زيه حد في البلد كلها، عشان كده مش هأتجوز في حياتي.
