أميرة على عرش قلبي
الثالث
الفصل الثالث
ضحك الجد لكن غضب بدر من حديثهم هذا، وقرص علي اذن صغيره بأصبعه. ناهراً ما يقوله:
-واذا مات الولد فعلاً في أيدك؛ و جات الشرطة و اخدوك، وقتها هتفضل محبوس داخل السجن، ولا انا ولا جدك ساعتها هنقدر نخرجك يا فالح.
هذه المره لم تصمت منال، وصرخت دون قصد وافلتت صغيرها من بين يدي ابيه، واتجهت به نحو الداخل.
– لااااء ابني لأ، هو مش هيعملها تاني؛ وان كان على المدرسه مش ضروري اي حد منهم يروح مش ضروري علامهم اصلاً.
ابتسم بدر على طيبة قلب زوجته؛ وخوفها المحبب جداً له على أبنائها؛ وهمس في أثر طيفها.
-هتفضلي طول عمرك ج.. ، وقلبك طيب يا منال.
لتزجره والدته بنظراتٍ حاده؛ وتجلسه عنوه رابطه على يده بكفها بشده.
-قلبها طيب! دا انت ماتعرفش حاجة، اقعد يا بدر اقعد يا بني، هون على رجلك عشان ماتوجعكش وانت واقف ترمي حبيبتك بالنظرات المتيمة إكده.
ليتلفظ بدر سبه ويكتمها بداخله؛ ويجهر بعدها متأففاً الكلمات بعنف:
-مالك ومالها يا امي؛ هي عملت لكِ حاجة دلوقتي؟
واذا بها تزجره بحديثها المرواغ:
-لاء ماعملتش ومش بتعمل حاجة يا ولدي؛ قولت لك أقعد وماقولتش شي تاني، وانت يا ضو جرا إيه هتفضل هنا كتير ولا إيه مش ناوي ترحل وتشوف شغلك؛ ول انت هتقعد تسامرنا طيلة الليل.
خجل ضو من حديثها؛ وهم بالأنسراف سريعاَ متلجلجاً في حديثه.
-هاه لاا لاا حجك عليا ياستي الحجة، انا بس كنت مستني امر سيدي بدر؛ او ان يكون سيدي سالم رايد مني شي.
عذره الحاج سالم ضاجراً من حديث زوجته:
-استغفر الله العظيم، روح يا ضو شوف شغلك يا بني؛ و لما اريدك هابعت لك.
ليطيعه حارسه بأحترام؛ ويذهب الي الخارج:
-انا تحت امرك يا سيدي الحاج.
جلست الصغيرة على فراشها تضع يدها على النافذه المجاوره لها، ومازلت تجهش من شدة البكاء.
جلست بجوارها مروة اختها بالرضاعه؛ تحاول تهدئتها.
-مش تزعلي يا اميرة، انا هاقول لبراء يخلي بابا يوافق إنك تروحي المدرسه، ولو مش وافق انا كمان مش هاروح وهاقعد معاكي هنا.
التفتت اميرة اليها ببكاء طفولي:
-مش هيسمع كلامك ومش هيقول حاجة، عشان هويعرف كويس ان بدر وجدي بيسمعو ليه هو بس.
صمتو الفتاتان والتفتو نحو هذا الباب التي زجته والدتهم؛ مجبرة هذا الصغير العنيد على الدخول منه عنوه:
– ادخل يا ولد وكفايك عناد بقى؛ اف أنت تعبتني النهاردة قوي، عايز تعمل أيه تاني في نفس!
