أميرة على عرش قلبي
الخامس
لو عايزين تخرجو او تزاكرو او تاكلو اوحتي تنامو لازم أن اكون عارف اولاً بكل تحركتكم.
نفضت يده من علي كتفها، حاصرت جانبي خصرها براحتي يديها.
-يا سلام يا سيدي ! عايز تتحكم فينا حضرتك، بت يا مروه تعالي نروح و نلعب في الجنينة؛ انا وانتي وماترديش على كلامه.
قذفت الصغيرة من علي الفراش، وتلتها شقيقته ليجرو للخارج وهو من خلفهم.
-استني هنا انتي وهي؛ انا قولت تسمعو كلامي.
جرو للخارج سريعاً، وهو يجري خلفهم حتى يلحق بهم ليرتطم جسدها الضئيل بجسد من تخشاها، بل وتنزعج من رؤيتها:
-علي مهلك يا بت أنتِ؛ كيف بترمحي إكدة راحة على فين يا ختي؟
احنت رأسها ورجعت خطوة للخلف، واتجهت نحوه تتحامي فيه مرددة:
-مش رايحة في حتة ياجدتي نعمات إحنا بس كنا بنلعب انا ومروة وبراء.
بكل جبروت صرخت في وجهها.
-فاكرة انه بيت ابوكي، تجري وتلهي فيه على راحتك؛ اسمعي يا بنت فاطمه، من دلوقتي اللي كانت بتحميكي وجاعدة إهنا عشانها ماتت، و أبوكي جيه عشان ياخدك، يلا ادخلي ولمي حاجتك وروحي معاه.
كانت كلامتها ثقيلة قاسية لا يتحملها شخص كبير، أما تلك الصغيرة وقفت خلفه؛ وتمسكت به كأنها تعلم انها تتحامي في درعٍ منيع، رفعت رأسها بكبرياء وغرور، تركت له حق الرد نيابة عنها حين صرخ في وجه جدته؛
-جدتي نعمات لو سمحتي صفي نيتك من جهة اميرة شوية، عشان إحنا كلنا عارفين ان السرايا دي هي ليها نصفها
ومن دا اللي جاي ياخدها؟ الكلام دا مش هيحصل.
رفعت حاجبها الأيمن، مستنكرة صراخه وهجومه هذا عليها.
-أتأدب يا وِلد وانت بتتحدت معايا، انت لساك شاب صغير و تافه هتضيع حقك؛ من يدك عشان حتة بت لا راحت ولا جات.
رمقها بعين جامدة وهي تعطيهم ظهرها وتلج داخل غرفتها، تلك العجوز الشمطاء، كان من المفترض أن تكون احن عليهم من اي انسان، لكنها كل مره تثبت للجميع بأنها مصدر للكره والحقد عليهم.
آفاق من شروده هذا على رجفة يد صغيرته، فالتفت إليها بعين كالصقر لتهمس له بخوف:
-ابويا جاي عشان يأخدني يا براء، هو خالي بدر هيخليني أروح معاه؟
ربت على يدها بحنان مطمئنناً لها.
-تعالي متاخفيش من حد انا جاي معاكي، و ابوكي دا هيرجع لبيته بإيده فاضية؛ زي ما ودخل السرايا بالضبط.
-اجي معاكم يا براء.
قالتها مروة التي كانت تقف بجانب الجدار، خائفة من جدتها وملامحها الجامدة.
