زوجي

ماشي كتر خيرك هتتعشي اقوم اجهزلك ولا ارجع انـ,ـام..
ياسين
لا مش هتعشي ومش هتنامي هتفضلي صاحيه لحد ما انا انـ,ـااام وبعد كده تستنيني لحد ما ارجع من بره اومال مراتي ازاي..
سميره پبكاء
انت ايه ما عندكش رحمه ليه بتعمل فيا كده انا مراتك وقبل ما اكون مراتك انا بنت عمك مش واحده مشتريها عشان تهين وتذل فيها براحتك..
ياسين بعصبيه
اممم انتي وحشتك العلقھ بتاعت زمان بس بسيطه اديهالك غالي والطلب رخيص يا بنت عمي..
_ وقفل الباب وسميره فضلت ټعيط وتصوت وبناتها طلعو من اوضتهم وفضلو واقفين بيعيطو وهما خايفين علي مامتهم من اللي بيعمله فيها ابوهم…
_جوزي كل يوم بيخوني مع واحده وامي اجبرتني اكمل معاه 2

_وتاني بوم الصبح كانت سميره بتجهز الفطار في المطبخ ووشها كله كدمات قربت منها بنتها وقالت..
تيا
ماما انا لبست هدومي لوحدي النهارده وكمان ملك ممكن بقي ما تزعليش..
سميره ابتسمت وقالت
مين قالك اني زعلانه منكم يا حبايبي ده انتو عمري واغلي حاجه في حياتي

ولو زعلت من الدنيا كلها عمري ما هزعل منكم..
تيا بحزن
بس احنا عارفين ان بابا بيزعـ,ـلك وبيخليكي ټعيطي انا مش بحبه يا ماما ومش هكلمه تاني..
سميره بهدوء
لا غلط كده وعلي فكره انا وبابا كنا بنهزر وانا كمان عملتله علامات زي دي في وشه بس هو عشان راجل العلمات دي بتمشي بسرعه من وشه انما بابا بيحبكم اووي اوعي تقولي كده تاني عشان ما يزعلش منك..
تيا
حاضر مش هقول كده تاني بس ما تهزروش كده تاني عشان انا بخاف عليكي يا ماما اووي..
حضنتها سميره وفضلت ټعيط وقالت
حاضر يا حبيبتي انا مش هخليكم تخافو تاني ابدا…
طلع ياسين من اوضته وقال
انتي لسه ما جهزتيش الفطار ما تخلصي يا بت انتي..
ابتسمت سميره عشان بنتها ما تخافش وقالت
حاضر يا حبيبي علي طول اهو هجهزلك الفطار تحب اعملك حاجه معينه..
ياسين پحده
اي زفت انتي لسه هتسأليني..
تيا
حرام يا بابا ما ينفعش نقول علي نعمة ربنا كده..
ياسين
تعالي يا حبيبتي هنا انا النهارده هفطرك بنفسي وهجيبلك شوكلاته وحاجات حلوه اووي واحنا رايحين الحـ,ـضانه..
قربت منه تيا وقالت
وهتجيب لملك وماما معايا صح..
ياسين
صح يا حبيبتي اخلصي يا سميره انا مش عارف امتي هتبقي ست بيت شاطره وتعملي كل حاجه بسرعه..
سميره بدموع وهي بتحط الاكل قدامه
الفطار اهو حاجه تاني..
ياسين
قبل ما اخلص الفطار يكون الشاي جاهز..
سميره
حاضر يا ياسين من عينيا..
_ وبعد شويه اخد بناته وراح يوصلهم للحضانه وهي فضلت قااعده بټعيط في المطبخ والباب خبط قامت فتحت وكانت اميره اللي دخلت بسرعه وقالت..
اميره
يا نهار اسود هو اټجنن ايه اللي عملو فيكي ده..
سميره پبكاء
نصيبي وحظي بقي اعمل ايه..
وراحو قعدو في الصاله واميره قالت
طيب انتي عملتي حاجه تدايقه رغم ان مهما حصل هو مالوش حق يمد ايده عليكي بالشكل الھـ,ـمجي ده..
سميره بدموع
تلاكيك جاي يتخانق مع دبان وشه وطلعهم عليا انا صعبانين عليا البنات اووي يا اميره ذنبهم ايه يشوفو ابوهم وامهم بالشكل ده..
اميره
وانتي كمان ذنبك ايه تشوفي الغلب ده كله هو جايبك من الشارع اشحال ان ما كنتيش بنت عمه وبينكم عشرة عمر وموده قبل الجواز..
سميره
قولت لامي بلاش مش عايزااه ما كنتش برتاحله قالتلي ابوكي الله يرحمه ولو اخدتي واحد غريب هيبيع ويشتري فيكي انما ابن عمك ده هيصونك ويحافظ عليكي طلع الغريب انضف واشرف منه مليون مره..
اميره بحزن
اهدي يا سميره بقولك ايه طلعي موبيلك واتصوري وانتي كده وابعتي الصور لامك يلاا خلينا نشوف هتسكت لحد امتي..
سميره پخوف
لا لا هو لو عرف اني عملت حاجه زي دي هيتعصب عليا تاني..
اميره
انتي خاېفه من ايه هيعمل فيكي ايه يعني اكتر من اللي فيكي ده يا بنتي يلا اعملي زي ما بقولك..
_ وسمعت سميره كلامها واتصورت وبعتت الصور لامها وبعد شويه امها شافت الصور وكلمتها وقالت..
زهره بعصبيه
هببتي ايه يا بت انتي يخلي جوزك يعمل فيكي كده..
سميره
تفتكري انتي يا ماما ايه السبب اللي يخليه يعمل فيا كده مثلا..
زهره
الله واعلم بقي المهم تراضيه وتسمعي كلتمه وده مش هيتكرر تاني..
سميره پبكاء
انتي ليه بتعملي فيا كده انا بنتك هو انا ما بصعبش عليكي يا ماما..
زهره بضيق
انتي عايزه ايه دلوقتي بقولك ايه طلاق مش هيحصل وجوزك راجل مرتاح والف مين تتمنااه بطلي بقي نكد وافهمي جوزك واعرفي طبعه وظبطي حياتك..
سميره
حاضر يا ماما وما تزعليش نفسك انا والله لو عمل فيا ايه ما هكلمك تاني ولا هقولك حاجه وحتي لو حصلتلي حاجه علي ايده وربنا خدني مش هوصي غير بأن بناتي ما يتربوش معاكي عشان ما تخليش حظهم

يبقي زي حظي..
_قالت كلامها وقفلت مع مامتها وفضلت ټعيط اووي قربت منها اميره وحضنتها وقالتلها..
اميره
انا مش عارفه اقولك ايه بجد. بس عشان خاطر بناتك ما يطلعوش معقدين بسبب همجية ابوهم معاكي فكري في موضوع المحاميه تاني..
_ سكتت سميره وما ردتش عليها وفي نفس اليوم بالليل كان راجع ياسين من الشغل وقابلته واحده جارتهم طالعه هي وابنهم الاسانسير وقالتله بهدوء..
جهاد
السلام عليكم يا استاذ ياسين..
ياسين بصلها وقال
الحمد لله يا ام اسر انتي عامله ايه..
جهاد
بخير الحمد لله اتفضل عشان نطلع كلنا في الاسانسير..
_ طلع معاها في الاسانسير وبصلها بخبث وبعد ما وصلو الدور بتاعهم طلعت جهاد وبصتله بقرف وقالت..
جهاد
تصدق انك راجل مش محترم وقليل ربايه وانا لولا الفضايح كنت فرجت عليك العماره كلها..
ياسين بخبث
هو ايه انا مش عاجبك ولا ايه هو انتي مش جوزك الله يرحمه برضو انا بحل مكانه اهو..
اتعصبت جهاد وقالت
يا راجل يا ناقص ده انا ابني العيل الصغير واقف جنبي بس اقول ايه انت لا عندك نخوه ولا رجوله ولا ضمير ولا دين وقلة الكلام معاك انت واللي زيك احسن حسبي الله ونعم الوكيل..
ياسين بغيظ
يا حجه اسكتي خلاص انتي اللي وش فقر…
_ قال كلامه ودخل شقته ولقي سميره قاعده مستنيااه فبصلها بقرف وقال..
ياسين
ايه اللي انتي لابسااه ده ما تطلعي يا اختي تشوفي النسوان بره لابسه ايه وعامله ازاي..
سميره بهدوء
ما انا طول عمري بلبس كده يا ياسين ايه اللي اتغير بس..
ياسين
زهقت منك ومن شكلك اتغيري شويه وفي الاخر تلموني لما ابص بره روحي جهزيلي العشا لحد ما اغير هدومي..
_ راحت سميره المطبخ وطلعت الاكل وقبل ما تسخنه بصت لنفسها وكانت لابسه عبايه بيتي من غير اكمام وقصيره شويه وشكلها حلو اووي وشعرها مفرود وقالت لنفسها..
سميره
انت شايف اهو يارب انا ما بقصرش معاه في حاجه بس انا تعبت منه والله ومش قادره اتحمل اكتر من كده..
_ وجهزتله العشا وفضلت قااعده معاه لحد ما نام وبعدين قامت من جنبيه وراحت تشوف بناتها اللي كانو نايمين وبصتلهم وهما نايمين وعيونها اتملو دموع وقالت بصوت واطي..
سميره
يعلم ربنا يا حبايبي اني بتحمل مع ابوكم اللي ما حدش يتحمله ابدا بس عشانكم وعشان ما تحتاجوش لحد لانه بيصرف عليكم وبيحبكم وانا مش عايزه احرمكم منه..
_قالت كلامها وطلعت من اوضتهم وراحت اوضتها ونامت جنبيه وهي مش طيقااه ولا طايقه نفسه حتي جنبيها.. بس هي اللي اختارت تسكت وتكتم جواها وتتحمل..
_ وتاني يوم الصبح كانت سميره قاعده بتفطر هي وجوزها وبناتها والباب خبط جامد قاام ياسين وقال..
ياسين
ده مين قليل الذوق ده اللي بيخبط بالشكل ده انا هروح افتح..
وراح فتح الباب وكان محمد صاحبه ومعاه مراته اميره اللي دخلت وقالت…
اميره
كويس انك لسه هنا يا اللي عامل فيها شيخ جامع اانت..
ياسين